Seul Apellyasiya Məhkəməsi, "Samsung" İcraedici Şurasının sədri Cey Li (Jay Y. Lee) barəsində "Samsung"a bağlı "Cheil Industries" və "Samsung C&T" şirkətlərinin 2015-ci ildə həyata keçirilən 8 milyard dollarlıq birləşməsi prosesində mühasibat saxtakarlığı və səhm manipulyasiyası ittihamları ilə açılan işlər üzrə bəraət qərarını təsdiqləyib.
Prokurorlar, Cənubi Koreyanın ən böyük elektronika nəhəngi üzərində Li-nin nəzarətini gücləndirməyə çalışdığı və birləşmə prosesində səhmdarların zərərə uğradığını iddia edərək onun üçün beş il həbs və 500 milyon Koreya vonu (KRW) məbləğində cərimə tələb etmişdi. Bu qərar, Cənubi Koreyanın aşağı instansiya məhkəməsinin Li-ni ittihamlardan bəraət qazandırmasından bir il sonra elan olunub.
Sentyabr 2020-ci ildə, o zaman "Samsung Electronics"in vitse-prezidenti olan Li, digər keçmiş "Samsung" rəhbərləri ilə birlikdə "Samsung"un tekstil şirkəti "Cheil Industries"in texnologiya nəhənginin idarəçiliyini ələ keçirmək məqsədilə tikinti bölməsi "Samsung C&T" ilə mübahisəli birləşməsini müdafiə etməkdə günahlandırılmışdı. Seul Apellyasiya Məhkəməsi "Samsung"un keçmiş rəhbərlərinin hamısını bu ittihamlardan günahsız elan edib.
Noyabr 2023-cü ildə keçirilən məhkəmə iclasında Li vəzifə səlahiyyətlərindən sui-istifadə etdiyi iddialarını rədd edib və birləşmə prosesinin şirkətin standart əməliyyat prosedurlarına uyğun həyata keçirildiyini bildirib. Bu qərar, Linin təxminən on ildir davam edən bütün hüquqi mübahisələrini yekunlaşdırır.
Rəhim
