Mütəmadi yeraltı təkanların baş verdiyi Egey dənizi və ətraf zonalarla bağlı yaponiyalı seysmoloq, inşaat mühəndisi Yoşinori Morivaki Türkiyə ictimaiyyətinə xəbərdarlıq ünvanlayıb.
”Bakuinfo” Axar.az-a istinadən xəbər verir ki, seysmoloq belə davam edəcəyi təqdirdə Egey hövzəsində 7, yaxud 7,5 bal gücündə zəlzələ baş verəcəyini iddia edib.
O, Egey dənizində sunami riskinə də diqqət çəkib:
“Zəlzələnin özünün Türkiyəyə çox təsiri olmaz. Amma sunami gözlənilir. Regionda 5 metr hündürlüyündə sunami ola bilər. Zəlzələni hiss edəndə, yaxud məlumat gəldikdə ən azı 5 metr yüksəkliyə çıxmaq gərəkdir. Yəni, azı 1-2 mərtəbə yuxarı...”
