Kanadada immiqrasiya və immiqrantlar məsələsi həmişə bir nömrəli mövzu olub. Çünki bu ölkə məhz immiqrantlar tərəfindən qurulmuş bir dövlətdir. Onlar Kanadanı dünyada yaşamaq üçün ən möhtəşəm ölkəyə çeviriblər.
İmmiqrasiya nəzarətli olmalıdır.
Son 150 ildə Kanadada liberallar və mühafizəkarlar arasında yazılmamış razılaşma var idi: Kanada hər il əhalinin 1 faizdən çox təşkil etməyən sayda immiqrantlar qəbul edirdi. Ölkə üçün əhalinin 1 faiz elə rəqəmdir ki, bu sayda immiqrantları ölkənin infrastrukturuna (iqtisadi, sosial, tibbi, təhlükəsizlik və s.) zərər vurmadan asanlıqla cəmiyyətə inteqrasiya etmək olar.
Trüdonun 9 illik hakimiyyəti dövründə bu yazılmamış qaydaya riayət etməyi dayandırdı və Kanada daha çox immiqrant qəbul etməyə başladı. Bunun nəticəsində ölkənin bütün infrastrukturu ciddi şəkildə zərər gördü. Kanadada əvvəllər aktual olmayan problemlər ortaya çıxmağa başladı – kriminallaşma, küçələrdə atışmalar, tibbi əməliyyatlar üçün sonsuz növbələr.
Buna görə də Trüdo reytinqi xeyli düşdü. Hamı onu günahlandırmağa başladı. Eyni zamanda, Trampın və Putinin təbliğat maşınları da bu prosesə öz təsirini göstərdi.
İndi isə son bir neçə ayın hadisələrinə nəzər salaq.
Trüdo liberal partiyanın liderliyindən istefa verdi və mühafizəkarlar çətin vəziyyətə düşdülər. Əvvəllər onların bütün təbliğat-təşviqatlar Trüdonu günahlandırmaq üzərində qurulmuşdu. İndi partiyanın yeni lideri olacaq (Karni və ya Friland) və müxaliflər bütün strategiyanı yenidən düşünməli olacaqlar.
Təsadüfü deyil ki, Trüdonun istefasından sonra liberal partiyanın reytinqi bir neçə faiz yüksəldi.
Son günlərin hadisələrinə nəzər yetirək.
Trampın Kanadaya qarşı qarayaxma kampaniyasına və tariflərin tətbiqi fonunda Trüdo ABŞ xalqına müraciət etdi. Trüdo bildirib ki, Kanada hər zaman – həm sevincdə, həm də kədərdə – amerikalılarla çiyin-çiyinə dayanırdı.
Bu gün bütün kanadalılar Trampa qarşı haqlı bir qəzəblə birləşiblər (sorğulara əsasən, cəmi 10 faiz Kanada və ABŞ-ın birləşməsinə qarşı deyil). Fenomenal bütün sahələrdə hadisə yaşanır. Misal üçün NHL (xokkey) və NBA-da(basketbol) Kanada və ABŞ komandaları arasında oyunlarda Kanadanın azərkeşləri ABŞ himni oxunan zaman fit çalırlar və s. Kanada cəmiyyətində anti-ABŞ, anti-Tramp, əhvalı meydana gəlib.
Məhz buna görə də hal-hazırda liberal partiyanın reytinqi artır.
Altı ay əvvəl Trüdonun və onun partiyasının reytinqi 16 faizə enərək fəlakətli bir səviyyədə idi. Bu gün isə göstəricilər 26-29 faizə yüksəlib.
Mühafizəkarlar hələ də böyük üstünlüklə irəlidədirlər (onların reytinqi 40 faizdən yuxarıdır) və seçkilərdə qalib gələrək baş nazir postunu qazanmaq üçün böyük şansları var.
Mühafizəkarların lideri Pualyevr əvvəllər Trampa açıq rəğbət bəslədiyini gizlətmirdi, amma bu gün o, Trampa qarşı sərt şəkildə mövqe tutur və Trüdo kimi ABŞ-ı sərt şəkildə tənqid edir.
Hətta belə bir zarafat var: Əvvəllər Trüdonu liberal seçicilər sevmirdi, mühafizəkarlar isə nifrət edirdi. Bu gün isə hər iki tərəf onu tərifləyir. Xarici təhdid faktoru belə şeylərə qadirdir.
