Qəzza sakinləri Misir və İordaniyaya köçürülsün. ABŞ prezidenti Donald Tramp Ağ Evdə İsrailin baş naziri Benyamin Netanyahu ilə görüşündə Qəzza sakinlərinin köçürülməsi üçün mümkün yerlər kimi İordaniya və ya Misiri göstərib.
AzPost xəbər verir ki, Tramp onlar üçün keyfiyyətli yaşayış olan 4-5 zonanın tikintisini də təklif edib.
Qəzza sakinləri Misir və İordaniyaya köçürülsün – Tramp
“Bu, İordaniya, Misir, digər ölkələr ola bilər və siz dörd və ya beş zona tikə bilərsiniz. Bunun bir ərazi olması lazım deyil. Ancaq müəyyən əraziləri götürüb, gözəl şəhər kimi, yaşaya biləcəkləri bir yer kimi həqiqətən keyfiyyətli mənzillər tikilsin. Çünki Qəzza onların sağ qalmayacağına zəmanətdir”, deyə o qeyd edib.
Qeyd edək ki, daha əvvəl Tramp Qəzza zolağının yerlə-yeksan edilməsinə ehtiyac olduğunu bildirmişdi. Həmçinin Anklav sakinlərinin köçürülməsi prosesi Yaxın Şərq ölkələri tərəfindən maliyyələşdirilməsini qeyd etmişdi.
HƏMAS nümayəndələri ABŞ prezidentinin açıqlamalarına sərt reaksiya verərək bunu “regionda xaos və gərginlik yaratmaq üçün resept” adlandırıblar. Onlar Qəzza sakinlərinin Trampın planlarının həyata keçməsinə imkan verməyəcəklərini bildiriblər.
“Trampın “Qəzzə xalqının tərk etməkdən başqa alternativi yoxdur” deyərək bəyanatlarını qəbuledilməz hesab edirik. Biz onları regionda xaos və gərginlik yaratmaq üçün resept kimi görürük”, – deyə HƏMAS rəhbərliyinin sözçüsü Sami Əbu Zuhri bildirib.
