ABŞ-Çin ticarət müharibəsi "təhlükəsiz liman" tələbini artırdığı üçün qızıl 1,5% də bahalaşaraq qiyməti rekord həddə çatıb.
Marja.az xəbər verir ki, beynəlxalq bazarlarda külçə qızılın bir unsiyasının qiyməti 2856 dollara yüksələrək qədər bütün zamanların ən yüksək səviyyəsinə çatıb. Bu, ABŞ prezidenti Donald Trampın bir gün əvvəl Çin idxalına 10 faizlik rüsum tətbiq etməsindən sonra baş verib ki, bu da Pekinin sürətli cavab reaksiyasına səbəb olub.
Çin də ABŞ-a əlavə gömrük rüsumları ilə cavab verib. Bu rüsumların dünyanın iki ən böyük iqtisadiyyatına təsiri ilə bağlı çox narahatlıq var. Həmçinin bazarlar gömrük rüsumlarının (tariflər) inflyasiyanı yenidən alovlandıracağı təqdirdə ABŞ-ın pul siyasətinə hər hansı təsirinin olub-olmadığını görmək üçün gözləyirlər.
Qeyri-müəyyənliyə əlavə olaraq, Tramp İsrailin baş naziri Benyamin Netanyahu ilə keçirdiyi mətbuat konfransında ABŞ-ın Qəzza zolağını nəzarətə götürməsini və müharibədən zərər çəkmiş bölgənin bərpasına görə məsuliyyəti öz üzərinə götürməsini təklif edib.
Qiymətli metal artan qeyri-müəyyənlikdən faydalansa da, faiz dərəcələri yüksək qalarsa, dəyərini itirə bilər.
"Saxo Capital Markets"in strateqi Charu Chanana, "Kim bu ssenaridə təhlükəsiz sığınacaq istəməz? ABŞ-Çin danışıqlarında heç bir xoş xəbər və Qəzza xəbərləri ilə bağlı daha çox geosiyasi narahatlıqlar, ABŞ dollarının hara getməsindən (yuxarı və ya aşağı - red) asılı olmayaraq qızıla əlavə dəstək verməyə davam edəcək" deyib.
Bakı vaxtı ilə saat 08:38-də qızıl 0,45 faiz bahalşama ilə bir unsiyası 2855,56 dollardan ticarət olunub. Dollar İndeksi çərşənbə axşamı 0,7 faiz itkisindən sonra bu gün səhər 0,1 faiz ucuzlaşıb.
