Rusiyanın estrada ulduzu Anna Sedokova uzun müddətdir ki, ilk dəfə pərəstişkarları ilə ünsiyyətini bərpa edib və onlara keçmiş əri, basketbolçu Yanis Timmanın intihar etdiyi gündən bəri həyatında baş verənləri danışıb.
OLAY yazır ki, bununla bağlı sənətçi sosila şəbəkə hesabında videoaçıqlama yayıb.
42 yaşlı Sedakova göz yaşı içində başına gələn hər şeyi “həyatının ən çətin dövrü” adlandırıb:
“Biz 20 ildən artıqdır ki, bir-birimizi tanıyırıq. Və siz mənim eniş-yoxuşlarımın şahidi oldunuz, indi isə - həyatımın heç kimə arzulamadığım ən çətin dövrünün şahidi oldunuz. Bütün bu müddət ərzində hər gün ayağa qalxmağa və yıxılmamağa, sadəcə yaşamağa çalışmışam. Ən yaxşı bacardığım işi etməyə çalışacağam: mahnılarımı yazıb oxuyacam, konsertlər verəcəyəm və irəliyə kiçik addımlar atacağam. Və bu dünyada bir nəfərə lazım olsam belə, bunu etməyə çalışacağam”.
Qeyd edək ki, ötən ilin dekabrında Moskvada yaşayış binasının girişində 32 yaşlı Yanis Timmanın meyiti həyat əlamətləri olmadan tapılmışdı. İstintaq müəyyən edib ki, idmançı intihar edib. Dəhşətli hadisə, Sedokovadan boşandıqdan bir neçə gün sonra baş verib və çoxları onu idmançını intihara sövq etməkdə ittiham edib. Sosial şəbəkə əhlinin firkincə, sənətçi perspektivli idmançının karyerasını məhv edib, onu müflis edib və ondan imtina edib. Nəticədə, Timmanın öhdəsindən gələ bilmədiyi depressiyaya düşdüyü iddia edilib.
Hadisədən sonra Anna özü son vaxtlar “cəhənnəmdə yaşadığını” və əsəb böhranı ilə əlaqədar xəstəxanaya yerləşdirildiyini söyləyib. Daha sonra onun konsert fəaliyyətini bərpa etdiyi barədə məlumat yayılıb. Bu fonda Timmanın qohumları basketbolçunun vətənində onun ölüm şəraiti ilə bağlı öz araşdırmalarına başlayıblar.
Sedokova və Timma dörd il ailəli olublar. İdmançı birinci həyat yoldaşından dünyaya gələn azyaşlı oğlunu vətəni Latviyada qoyub müğənninin yanına gəlib. Sedokovanın əvvəlki münasibətindən iki qızı və bir oğlu var.
