"Bu gün biz bütün ərazimizi geri qaytara bilmərik, biz real düşünürük. Baş verməyə biləcək nəticə naminə milyonlarla insanı itirə bilmərik".
“AzPolitika” xəbər verir ki, bunu Ukrayna Prezidenti Volodimir Zelenski jurnalist Piers Morqana müsahibəsində deyib. Bununla da Zelenski Rusiyanın işğal etdiyi ərazilərin geri qaytarılmasının mümkün olmadığını etiraf edib.
Zelenski həmçinin Vladimir Putinlə birbaşa danışıqlara hazır olduğunu deyib: “Sülhün əldə olunması üçün yeganə variant budursa, mən Putinlə danışıqlar masası arxasında qarşı-qarşıya oturmağa hazıram. Mən hiss edirəm ki, bizim Ukraynada ədalətli və davamlı sülh üçün dəqiq kifayət qədər resurslarımız var. Putin mənim tükənməyimi görməyəcək, biz öz həyatımız və varlığımız üçün mübarizə aparırıq, başqa çarəmiz yoxdur. Legitimliyimə gəlincə, mən əhalimizin 73%-i tərəfindən seçilmişəm və həmişə seçkilərə açıq olduğumu demişəm”.
“AzPolitika.info”
