1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ hökuməti İordan çayının qərb sahilinin aqibəti barədə öz mövqeyini növbəti dörd həftə ərzində açıqlamaq niyyətindədir.
Oxu.Az-ın TASS-a istinadla verdiyi məlumata görə, bu barədə ABŞ Prezidenti Donald Tramp Ağ Evdə İsrailin Baş naziri Benyamin Netanyahu ilə danışıqlardan sonra birgə mətbuat konfransında bildirib.
O, Vaşinqtonun bu ərazilərdə İsrailin suverenliyini tanıyıb-tanımayacağına dair sualı cavablandırıb.
"Biz bunu sizin bir çox nümayəndələrinizlə müzakirə edirik. Siz çox yaxşı təmsil olunursunuz və insanlar bu ideyanı bəyənirlər, lakin biz hələ bu barədə heç bir mövqe tutmamışıq. Amma biz növbəti dörd həftə ərzində bu mövzu ilə bağlı bəyanat verəcəyik", - deyə Ağ Ev rəhbəri bəyan edib.
