Gürcüstan parlamenti nizamnamə dəyişikliklərini qəbul edib.
"Report"un yerli bürosu xəbər verir ki, Şalva Papuaşvilinin hazırladığı dəyişikliklərə əsasən, parlamentə bağlı qurumların birləşdirilməsi və daha effektiv işləməsi təmin olunacaq.
Həmçinin Parlament Araşdırma Mərkəzinin ləğv edilməsi, Milli Kitabxana və Heraldika Şurası ilə bağlı hüquqi yeniliklər nəzərdə tutulur.
Bununla yanaşı, siyasi qrupların qurulma qaydaları sadələşdirilir ki, bu da partiyalardan ayrılan üzvlərin yeni qruplar yaratmasına imkan verəcək.
İslahatlar Gürcüstanda dövlətin daha güclü və çevik idarə olunmasına xidmət edəcək.
