Rusiya Ukrayna əsirliyindən 150 hərbçisini geri qaytarıb, əvəzində isə Ukrayna Silahlı Qüvvələrindən 150 hərbi əsir köçürülüb.
Turkustan.az xəbər verir ki, bu barədə Rusiya Müdafiə Nazirliyi məlumat yayıb.
"Fevralın 5-də danışıqlar prosesi nəticəsində 150 rusiyalı hərbçi Kiyev rejiminin nəzarətində olan ərazidən geri qaytarılıb. Bunun müqabilində Ukrayna Silahlı Qüvvələrinin 150 hərbi əsiri təhvil verilib. Hazırda bütün rusiyalı hərbçilər Belarus Respublikası ərazisindədirlər və orada onlara lazımi psixoloji və tibbi yardım göstərilir, qohumları ilə əlaqə saxlanılıb".
Rusiya Müdafiə Nazirliyi azadlığa çıxan bütün hərbçilərin Müdafiə Nazirliyinin tibb müəssisələrində müalicə və reabilitasiya üçün Rusiyaya aparılacağını açıqlayıb. "Birləşmiş Ərəb Əmirlikləri rus hərbçilərinin əsirlikdən geri qaytarılması zamanı humanitar vasitəçilik səylərini təmin edib"-deyə, departament əlavə edib.
Aytən Yaşar/ Turkustan.az
