Nigeriyanın Zamfara əyalətinin Kaura-Namoda şəhərində İslam məktəbində baş verən yanğında 17 uşaq ölüb, bir neçə nəfər isə yaralanıb.
Editor.az bildirir ki, bu barədə fevralın 5-də BBC məlumat yayıb. Yanğın, ehtimal ki, məktəbin yanındakı binada baş verib, lakin sonradan təhsil müəssisəsinə keçib. Bu vaxt uşaqlar yatıblar.
Britaniya televiziyası xəbər verir ki, hadisə yerinə yerli hakimiyyət orqanları və xilasedicilər göndərilib, lakin yanğın artıq xeyli insan tələfatına səbəb olub.
Hadisə şahidlərinin sözlərinə görə, yanğını dayandırmaq cəhdləri məktəbin yeri, xüsusən də ona gedən dar yol səbəbindən çətinləşib. Hadisədən sonra Nigeriya səlahiyyətliləri “yanğın təhlükəsi olmadığından əmin olmaq üçün digər dini məktəbləri yoxlayacaqlarını” bildiriblər.
X şəbəkəsindəki “TrustTV News” kanalı yanğın zamanı məktəbdə 100 uşağın olduğunu bildirib. Onlar təxliyə edilib, lakin sonradan məlum olub ki, onların heç də hamısı deyil.
//Samir Qurbanov, Editor.az
