Ukrayna prezidenti Vladimir Zelenski Böyük Britaniyanın xarici işlər naziri Devid Lammi ilə görüşüb, iki ölkə arasında tərəfdaşlıq sazişini müzakirə ediblər.Bu barədə Ukrayna lideri öz Telegram kanalında məlumat verib.


“Tərəfdaşlarla addımların koordinasiyasına, təhlükəsizlik zəmanətlərinə, Rusiya Federasiyasına, o cümlədən neft sənayesinə və müdafiə sənayesinə qarşı sanksiyaların gücləndirilməsinə və dondurulmuş Rusiya aktivlərinin ölkəmizin xeyrinə istifadəsinə xüsusi diqqət yetirilib”, - deyə Zelenski yazıb.
Ukrayna lideri həmçinin qeyd edib ki, Kiyev Londonun göstərdiyi maliyyə yardımını yüksək qiymətləndirir.


Fevralın 5-də Zelenski Rusiya prezidenti Vladimir Putinlə danışıqlara hazır olduğunu bildirib. Bununla belə, o, Ukrayna xalqı tərəfindən “zəruri hesab edilməsi” şərti ilə diplomatik tədbirlərə keçidə icazə verib.Kreml Zelenskinin bəyanatlarına cavab verib. Rusiya prezidentinin mətbuat katibi Dmitri Peskov ukraynalı siyasətçinin açıqlamalarını boş sözlər adlandırıb.

aia.az
Tərcümə şöbəsi

• Görüş
• Zelenski
• Böyük Britaniya
• Xarici İşlər Nazirliyi