Nar - ürək və həzm üçün qiymətli meyvədir. Nar məlum olan ən qədim meyvələrdən biridir. Onun mədəniyyəti eramızdan əvvəl 3-2-ci minilliklərə aiddir. Bu barədə İncildə, qədim əlyazmalarda və abidələrdə qeyd olunur.
Ucnoqta.az xəbər verir ki, dietoloq və kardioloq Marqarita Koroleva narın faydalarını unutmamağı məsləhət görüb. Onun fikrincə, bu giləmeyvə tərkibində və bütün faydalı xüsusiyyətlərində unikaldır. Qəribədir ki, nar yetişdikcə daha faydalı olur, vitaminlər, minerallar və antioksidantlarla zənginləşir. Kalium, dəmir və B vitaminləri ilə zəngindir ki, bu da onu ürək və qan damarlarının sağlamlığı üçün əsl xəzinə edir.
Marqarita deyir ki, bu meyvə ürək ritminin pozulmasından və ya ürək əzələsindən əziyyət çəkənlər üçün idealdır. Bundan əlavə, nar həzm problemləri ilə tanış olanlar üçün faydalı olacaq. Tanenlər sayəsində nar mədə-bağırsaq traktının işini yaxşılaşdırmağa kömək edən iltihab əleyhinə təsir göstərir. Həmçinin, toxumların tərkibində olan lif həzmi və nəcisin yaxşılaşmasına kömək edir.
