"Real"ın yarımmüdafiəçisi Luka Modriç "Leqanes"lə oyunda Vinisiusla şifahi mübahisəsi ilə bağlı açıqlama verib.
90deqiqe.Az xəbər verir ki, xorvat futbolçu bu barədə jurnalistlərə açıqlamasında danışıb.
"Matç zamanı Vinni ilə insident? Bunlar futbolda olan şeylərdir... Görməyə ehtiyac duymadığın hər şeyi görürsən"
Xatırladaq ki, “Real Madrid” – “Leqanes” (3:2) kubok matçında Modriç müdafiədə çox çalışmayan Vinisiusu danlamışdı. Qeyd edək ki, xorvatiyalıya “qaymaqlılar”ın baş məşqçisi Karlo Ançelotti dəstək verib.
Əlavə edək ki, “Real” və “Atletiko” artıq İspaniya kubokunun yarımfinalına çıxıb. Qalan iki iştirakçı isə "Valensiya" - "Barselona" və Real Sosyedad - Osasuna cütlərində müəyyənləşəcək.
