Bir insanın zehni olaraq kədərli, ancaq kənardan xoşbəxt görünməsi “Atipik depressiya” olaraq bilinir.
Medianews.az xarici mediaya istinadən xəbər verir ki, mütəxəssislər hər 10 nəfərdən 1-nin bu depressiyadan əziyyət çəkdiyini və bu ruhi xəstəliyin 9 əlamətlə özünü göstərə biləcəyini bildirir.
Gülən depressiyaya məruz qalan fərdlər ilk baxışdan həyatdan həzz alır kimi görünsələr də, daxili aləmlərində müxtəlif psixi sağlamlıq problemləri ilə mübarizə aparırlar.
Həyat məşqçisi Anita Qohil-Thorp deyib ki, gülümseyən və depressiyaya düşən insanlar sanki hər şey nəzarət altındadır kimi və hətta onların qarşıya qoyduğu bir çox işi müvəffəqiyyətlə yerinə yetirilir kimi görünə bilərlər, amma dərinliklərində çoxlu ağrılarla qarşılaşa bilərlər. Bu vəziyyətin zamanla sosial izolyasiyaya səbəb ola biləcəyini ifadə edən Thorp qeyd edib ki, gülümseyən depressiyada intihar düşüncələri də sıx şəkildə hiss olunur.
Fəlsəfə doktoru Olivia Remes, xüsusilə 35 yaşdan kiçik insanların gülümsəyən depressiyaya görə intihara cəhd edə biləcəyi barədə xəbərdarlıq edib.
Psixoloq Tobi İnqem gülümsəyən depressiyanın əsas əlamətlərindən birinin yorğunluq olduğunu deyib. “Özünüzü yaxşı hiss etmədiyiniz zaman gülümsəmək zamanla enerjinizi boşalda bilər. Unutqanlıq və konsentrasiyada çətinliklər də atipik depressiyanın əlamətləri ola bilər”, – o vurğulayıb.
Həddindən artıq yeməkdən qaynaqlanan baş və mədə ağrılarının gülümsəmə depressiyasında da görüldüyünü vurğulayan İngham, “Belə bir vəziyyətdə psixosomatik problemlərdə artım ola bilər” deyib.
Gülən depressiyanın digər əlamətlərinə qol və ayaqlarda ağrı, tənqidə qarşı həddindən artıq həssaslıq, yuxululuq və introversiya daxildir.
Gülən depressiya əlamətlərinin ciddiyə alınması lazım olduğunu bildirən mütəxəssislər, əlamətlərin getməməsi halında mütləq psixi sağlamlıq mütəxəssisinə müraciət edilməsi lazım olduğunu vurğulayırlar.
