Xristian Demokrat və Xristian Sosial Birliklərinin (CDU/CSU) mühafizəkar blokundan Almaniya kansleri vəzifəsinə namizəd Fridrix Merz Donald Trampın Ağ Evə qayıtmasından sonra ABŞ-da baş verən hadisələrdən narahatlığını bildirib...
Poliqon bu barədə Politico-ya istinadən xəbər verir.
Onun sözlərinə görə, Trampın rəhbərliyi altındakı Amerika əvvəldən bildiyimiz ölkə deyil.
"Bürokratların, Ədliyyə Departamentinin, prokurorluğun necə fəaliyyət göstərməsi, onların hamını qovması, uzun illər həbsə məhkum edilmiş insanları əfv etməsi Amerika üçün nəticələrə səbəb olacaq", deyə Merz hesab edir.
Bundan əvvəl Fridrix Merz prezident Donald Tramp hakimiyyətə gəldikdən sonra Avropanı birləşməyə çağırıb. Alman siyasətçinin fikrincə, hazırda Avropa İttifaqı xarici iqtisadi təzyiqlərə, o cümlədən ABŞ-dan gələn təzyiqlərə müqavimət göstərmək üçün iqtisadi siyasətini konsolidasiya etməlidir.
Merz Trampın Avropadakı sağçı siyasətçilərlə son dərəcə yaxşı münasibətlərini etiraf etməklə yanaşı, digər zümrələrdən olan avropalı siyasətçilərin də düzgün yanaşması halında onunla razılığa gələ biləcəyinə əminliyini ifadə edib.
Poliqon.info
