ABŞ CAR-ı “çox pis əməllərdə” günahlandırıb

AzVision.az xəbər verir ki, bu barədə “X” sosial şəbəkəsində paylaşım edən ABŞ-nin Dövlət katibi Cənubi Afrika Respublikasının “çox pis işlər gördüyündən” şikayətlənib.

“Cənubi Afrika Respublikası özəl mülkiyyəti müsadirə edir. Həmrəylik, bərabərlik və davamlı inkişafın təşviqi üçün G20-dən istifadə edir. Başqa sözlə, müxtəliflik (transgenderlik), bərabərlik və iqlim dəyişikliyini dəstəkləyir. Mən vergi ödəyicilərinin pullarını israf etməli və ya antiamerikanizmə dəstək verməli deyiləm,Amerikanın milli maraqlarını yeritməliyəm”,- Marko Rubio vurğulayıb.

USAID-in ən gülünc xərclərinin siyahısı açıqlanıb

Qeyd edək ki, 2 gün əvvəl ABŞ prezidenti Donald Tramp özünün “Truth Social” sosial şəbəkəsində Afrika qitəsinin sosial problemlərinə diqqət çəkib. O, Cənubi Afrika Respublikasını“torpaqları müsadirə etdiyini və bəzi təbəqələrə qarşı çox pis davrandığını” söyləyib. Mövcud vəziyyəti pis adlandıran Tramp radikal sol medianın bunu“heç qeyd etmək belə istəmədiyinə”diqqət çəkib.

“İnsan hüquqlarının kütləvi şəkildə pozulması ən azı göz qabağındadır. ABŞ buna dözməyəcək, biz hərəkətə keçəcəyik!”,- ABŞ prezidenti vurğulayıb.

O, bu vəziyyətlə bağlı tam araşdırma tamamlanana qədər Cənubi Afrika Respublikasına hər hansı əlavə maliyyə dəstəyi ayrılmasını dayandıracağını vəd edib.

ABŞ-nin yeni administrasiyasının CAR-a qarşı irəli sürdüyü ittihamlara əslində bu və ya digər şəkildə USAİD-in fəaliyyəti ilə bağlı araşdırmalar kontekstində baxılmalıdır. Bu qurumun işini çox haqlı olaraq sərt şəkildə tənqid edən Ağ Ev administrasiyası onun fəaliyyətinin dayandırılması barədə qərar verib.

Sahil İsgəndərov
AzVision.az