Türkiyənin Bolu vilayətindəki “Kartalkaya” xizək kurortunda yerləşən “Grand Kartal” hotelində baş verən yanğın nəticəsində 78 nəfərin ölümünə səbəb olan hadisə ilə bağlı araşdırmalar davam edir.
Bu günlərdə yanğınla əlaqədar saxlanılan şəxslərdən iki nəfər barəsində həbs qərarı çıxarılıb.
“Haber Global”ın məlumatına görə, Bolu Regional Xüsusi İdarəsinin baş katibi Sırrı Köstereli və baş katibin müavini Bünyamin Bal məhkəmə qərarı ilə həbs edilib və həbsxanaya göndəriliblər.
Bu qərardan sonra həbs edilənlərin sayı 21-ə çatıb.
Qeyd edək ki, yanvarın 21-nə keçən gecə baş verən yanğında 78 nəfər həyatını itirib, onlardan 36-sı uşaq olub. Hadisənin ardından, saxlanılan 30 nəfərdən 19-u həbs olunub, onlardan biri isə hotelin sahibi Halit Ergül, baş direktoru Emir Aras və yanğınsöndürmə məsələlərinə cavabdeh Bolu bələdiyyə sədrinin müavini Sedat Gülener də daxil olmaqla bir çox digər müvafiq şəxslərdir. Yanğınla bağlı araşdırmalar davam edir, səkkiz nəfər məhkəmə nəzarəti altında qalmaqla sərbəst buraxılıb./Milli.az/
