Gəncədə zəhərlənmə faktı qeydə alınıb.
Avtosfer.az APA-ya istinadən xəbər verir ki, hadisə şəhər ərazisində qeydə alınıb.
Belə ki, 1990-ci il təvəllüdlü L.Cəfərova və onun övladı 2011-ci il təvəllüdlü Ömər Cəfərov zəhərlənmə diaqnozu ilə xəstəxanaya yerləşdiriliblər.
Dərhal ana və övladına tibbi yardım göstərilib, vəziyyətlərinin kafi olduğu bildirilir.
Məlumata görə, onlar yaşadıqları evin qonaq otağında dəm qazından zəhərləniblər.
Faktla bağlı araşdırma aparılır.
