Uorren Bondo

“Milan” heyətinə daha bir futbolçu cəlb edib.

Klubun mətbuat xidmətinin məlumatına görə, “Montsa”dan fransız yarımmüdafiəçi Uorren Bondo transfer edilib. Onunla müddəti 2029-cu il iyunun 30-dək müqavilə imzalanıb. Uorren yeni komandasında “39” nömrəli formanı geyəcək.

21 yaşlı Bondo 2022-ci ilin yayından “Montsa”nın formasını daşıyırdı. O, bu mövsüm bütün turnirlərdə 22 matça meydana çıxıb.