ABŞ Federal Seçki Komissiyasının (FEC) sədri Ellen Vayntraub prezident Donald Trampın ona göndərdiyi istefa məktubunu yayımlayıb...
Poliqon xəbər verir ki, o, bu barədə X-də sosial şəbəkəsində yazıb.
"Mənim Amerika xalqına xidmət etmək və eyni zamanda maraqlı problemlər yaratmaq şansım olub. Yaxın gələcəkdə bu dəyişməyəcək", deyə o, paylaşımında qeyd edib.
Məktubda bildirilir ki, istefa qərarı dərhal qüvvəyə minir.
Bundan əvvəl ABŞ-da azı 40 min nəfərin hökumətin işdən öz istəkləri ilə ayrılmaları müqabilində səkkiz aylıq təzminat paketi almaq təklifini qəbul etdiyi bildirilmişdi. CNN kanalının araşdırmasına görə, bu təklif ümumilikdə təxminən iki milyon amerikalı dövlət qulluqçusuna göndərilib.
Bundan əlavə, Tramp administrasiyasının Ətraf Mühitin Mühafizəsi Agentliyində (EPA) iqlim dəyişikliyi problemləri üzərində çalışan 1100-dən çox əməkdaşı istənilən an işdən çıxarıla biləcəkləri barədə xəbərdar etdiyi də məlum olub.
Poliqon.info
