"Milan" "Çelsi"nin 25 yaşlı vingeri Joao Feliksin icarə müddətini 2025/2026 mövsümünün sonuna qədər uzatmağı düşünür.
90deqiqe.Az "La Gazzetta dello Sport"a istinadən xəbər verir ki, hazırda portuqaliyalı futbolçu cari mövsümün sonuna kimi İtaliya klubunda çıxış edəcək.
“Rossonerilər” Feliksin icarə müddətini uzatmaq üçün “mavilər”ə 8-10 milyon avro təklif edə bilər. "Milan" həmçinin 2026-cı ildə 30-35 milyon avroya satın alma variantının da daxil olmasını istəyir.
25 yaşlı hücumçu "rossonerilər"in heyətində İtaliya kubokunun 1/4 finalında "Roma" ilə qarşılaşmada (3:1) debüt edib. Bu oyunda Feliks qol vurub. Futbolçunun "Çelsi" ilə müqaviləsi 30 iyun 2031-ci ilə qədərdir.
