“Mançester Siti”nin baş məşqçisi Xosep Qvardiola İngiltərə Kubokunun 1/16 finalında “Leyton Orient” üzərində səfər qələbəsini şərh edib.
Arena.az məlumat verir ki, oyunun gedişində hesabda geri düşmüş “şəhərlilər” iradələrini cilovlayaraq geri dönüş etməyi və yekunda 2:1 hesablı əzmkar qələbəni bayram etməyi bacarıblar.
“Biz həqiqətən də yaxşı bir oyun keçirdik. Bu, sırf İngiltərə Kuboku oyunu idi. Bax, elə buna görə də bu yarış belə heyranedicidir. Biz onların güclü olduqlarını və azad məkanlara cumacaqlarını bilirdik. Bu, məşqçilərin heyranedici dərəcədə keyfiyyətlə çalışdırdığı bir komandadır, amma biz çoxlu fürsətlər yaratdıq. Mən isə şadam ki, biz mərhələni adladıq.
Birinci hissədə “Mançester Siti”nin fəsadlar yaşadığını hiss edirdimmi? Mən belə düşünmürəm. İlk 10-15 dəqiqə – ola bilsin ki, amma onların vurduğu fantastik qoldan sonra biz oyunun yüyənini öz əlimizə cilovladıq və çoxlu fürsətlər yaratdıq”, deyə Qvardiola məmnunluqla vurğulayıb.
