Amerika prezidenti Donald Tramp münasib vaxtda Rusiya dövlətinin başçısı Vladimir Putinlə görüşün mümkünlüyünə inanır və gələcəkdə onunla telefon danışıqlarına da ümid edir.
Modern.az xarici KİV-ə istinadən xəbər verir ki, Tramp bunu jurnalistlərə deyib.
O, Luizianaya gedərkən təyyarədə KİV nümayəndələrinin suallarını cavablandırıb: “Düşünürəm ki, mən Putinlə lazımi anda görüşəcəm”.
20 yanvar 2025-ci il tarixindəki andiçmə mərasimindən əvvəl və ya sonra Putinlə telefon danışığı olub-olmaması ilə bağlı suala Tramp birmənalı cavab verməyib.
O, “Putinlə geniş söhbət olacağını gözləyirəm" deyib.
Ukraynadakı münaqişədən danışan Tramp vurğulayıb: “Biz bunu dayandırmalıyıq. Tezliklə buna son qoymalıyıq”.
