Türkiyə prezidenti Rəcəb Tayyib Ərdoğan Qəzza zolağının əhalisinin anklavda yaşamağa davam edəcəyini bildirib...
Poliqon-nun məlumatına görə, o vurğulayıb ki, heç kimin Qəzza xalqını min illik və dəyişməz əbədi vətənindən qovmağa ixtiyarı yoxdur.
"Fələstin Qəzza, İordan çayının qərb sahili və Şərqi Qüdslə birlikdə fələstinlilərə məxsusdur. 471 gündür ki, İsrailin hər cür zülm və hücumlarına baxmayaraq öz torpaqlarını tərk etməyən Qəzza xalqı Qəzzada qalmağa, Qəzzada yaşamağa və Qəzzanı müdafiə etməyə davam edəcək", deyə Türkiyə prezidenti Malayziya, İndoneziya və Pakistana səfərləri əhatə edən "Asiya turu" öncəsi hava limanında keçirdiyi mətbuat konfransında bildirib
Fevralın 5-də Donald Tramp Qəzza zolağının Vaşinqtonun nəzarətinə keçəcəyini və onun iqtisadi inkişafını öhdəsinə götürəcəyini bildirdi. O, həmçinin bildirib ki, Qəzza "Yaxın Şərqin Rivierası" ola bilər, lakin əvvəlcə anklavın təxminən 2 milyon sakini köçürülməlidir.
ABŞ prezidentinin ideyası BMT, Səudiyyə Ərəbistanı və Avropa ölkələri tərəfindən tənqid edilib. Almaniyanın xarici işlər naziri Annalena Berbok belə hərəkətlərin beynəlxalq hüququ pozacağını bildirib. Fələstin liderinin müşaviri Mahmud əl-Həbaş prezidentin açıqlamalarını müstəmləkəçi düşüncə aktı adlandırıb.
Poliqon.info
