Estoniya prezidenti Alar Karis Avropa İttifaqını Moskvadan müstəqilliyini daha da gücləndirməyə və digər məsələlərlə yanaşı, Rusiya ilə ticarətə tam qadağa imkanını nəzərdən keçirməyə çağırıb...
Poliqon xəbər verir ki, dövlət başçısı bu barədə X sosial şəbəkəsindəki səhifəsində yazıb.
"Avropa İttifaqı öz müstəqilliyini daha da gücləndirməli və bütün Rusiya enerji məhsullarının Aİ-yə idxalını dayandırmalıdır. Biz hətta Rusiyaya tam ticarət embarqosu tətbiq etməyi ciddi düşünməliyik", deyə Karis bildirib.
O, bu bəyanatı Baltikyanı ölkələrin enerji sistemlərinin kontinental Avropa ilə sinxronizasiyası münasibətilə verib.
Fevralın 9-da Latviya prezidenti Edqars Rinkeviçs Litva, Latviya və Estoniyanın Avropa elektrik şəbəkəsinə qoşulduğunu elan edib.
Baltikyanı ölkələr BRELL vahid enerji sisteminin bir hissəsi idi və 2023-cü ilin iyulunda onu tərk etməyə razılaşıblar. Polşa ərazisindən keçən elektrik şəbəkələrinin Avropa İttifaqı şəbəkəsi ilə sinxron iş rejiminə daxil edilməsi fevralın 9-na planlaşdırılır.
BRELL-dən ayrıldıqdan sonra Litva, Latviya və Estoniya 24 saat ərzində təcrid olunmuş rejimdə işləyəcək, bundan sonra heç bir problem olmasa, Avropaya qoşulacaqlar.
Poliqon.info
