Fevralın 9-da günortadan sonra Baltikyanı ölkələr uğurla Avropanın vahid enerji sisteminə qoşulub. Bu, bir gün əvvəl Litva, Latviya və Estoniyanın Rusiya və Belarusun enerji sistemindən ayrılmasından sonra baş verib.
Litva Prezidenti Gitanas Nauseda gərginliyin tənzimlənməsi və sinxronizasiyasının uğurlu sınaqlarından sonra Baltikyanı ölkələrin Avropa enerji sisteminə qoşulduğunu elan edib.
Vilnüsdə keçirilən mətbuat konfransında Latviya, Litva və Estoniya prezidentləri, həmçinin Polşa prezidenti Anjey Duda və Avropa Komissiyasının rəhbəri Ursula fon der Leyen iştirak ediblər.
“Bu, Baltikyanı ölkələr və bütövlükdə Avropa üçün regionun enerji davamlılığını və müstəqilliyini gücləndirən mühüm tarixi addımdır”, Latviyanın xəbər postalı Delfi şirkətin bəyanatından sitat gətirib. Orada vurğulanır ki, Baltikyanı ölkələr əvvəllər Rusiya sistemlərinə arxalansalar da, indi 400 milyondan çox istehlakçı Avropa şəbəkəsinə qoşulub.
“Rusiya və Belarusla bütün rabitə xətləri həmişəlik kəsilib. Müstəqilliyimizi artırmaq yolunda daha bir mühüm addım. Bu günün baş tutması üçün əməyi keçən hər kəsə təşəkkür edirəm", Latviya Prezidenti Edqars Rinkeviçs sosial şəbəkədə X-də yazıb. Estoniya Prezidenti Alar Karis bu günü tarixi gün adlandırıb.
Avropa Komissiyasının sədri Ursula von der Leyen Baltikyanı ölkələrin "düşmən qonşuların" təhdid və şantajından xilas olduğunu deyib. O, həmçinin Aİ-nin tədricən Rusiyanın mədən yanacaqlarından uzaqlaşdığını xatırladıb və Avropa İttifaqının öz müdafiə və təhlükəsizliyini öz əlinə götürməsinin vaxtının yetişdiyi qənaətində olduğunu bildirib.
Polşa prezidenti Anjey Duda da öz növbəsində qeyd edib ki, ölkəsi “Baltikyanı ölkələrlə Avropanın qalan hissəsi arasında körpüdür” və üç ölkənin vahid enerji sisteminə qoşulması Polşanın da təhlükəsizliyini gücləndirir. Baltikyanı ölkələr məhz Litva-Polşa əlaqələri vasitəsilə Avropanın enerji sisteminə qoşulur.
visiontv.az
