Xəbər verildiyi kimi , Şəkinin Oxud kəndində eyni vaxtda ev, mal tövləsi və yardımçı tikilidə baş verən güclü yanğını heç cürə söndürə bilməyiblər.
Bizim.Media-nın hadisə yerində olan əməkdaşına zərərçəkən ailənin başçısı Vaqif Həmidov yanğının səbəbləri barədə bunları deyib:
“Mən artıq yatmışdım. Gəlin arxa pəncərədən keçərkən otun yandığını görüb, qışqırıb. Biz də gəlib nə qədər su töksək də, söndürə bilmədik. Yuxarıdan yəni evlə tövləni birləşdirən yardımçı tikilinin üzərindən elektrik naqili keçir. Amma naqil ota çatmırdı. Ya ordan qığılcım düşüb, nə olubsa orada baş verib ki, yanğın törəyib” - deyən Vaqif Həmidov sözlərinə onu da əlavə edir ki, tövldə 80 baş qoyunu, 3 baş mal-qarası olub. Qoyunlardan 25 başı, onların da 20 baş quzusu tələf olub, digərləri kənd sakinləri və yanğınsündürənlər tərəfindən xilas edilib. Evə gəldikdə isə ailə üzvləri ancaq bir neçə dəst pal-paltar və çox cüzi əşyalarını çıxara bilib. Ailə başçısı ümumilikdə ona 100 min manatdan artıq ziyan dəydiyini bildirir.
Qeyd edək ki, 7 otaqrlı, ümumi sahəsi 640 kvadratmetr olan ikimərtəbəli yaşayış evində, 120 kvadratmetr mal tövləsində və 60 kvadratmetrlik yardımçı tikilidə eyni vaxtda baş verən yanğını söndürmək üçün Fövqəladə Hallar Nazirliyi Şəki rayon Dövlət Yanğından Mühafizə Hissəsinin 4 texnikası və 20 yaxın şəxsi heyəti cəlb olunub.
Yanğının miqyası böyük olduğundan ev əşyaları ilə, mal tövləsi içərisində olan ot bağlamaları və yardımçı tikilinin yanar konstruksiyaları ilə birlikdə yanıb.
Bu gün səhər saatlarından Oxud kənd sakinləri hadisə yerində təmizlik işlərinə başlayıb. Kənd icra nümayəndəsi Oruc Əhmədovun sözlərinə görə hazırda təmizlik işləri görülür.
“Yanğın elə bir vəziyyət almışdı ki, heç nəyə köməklik edə bilmədik. Şükürlər insanlar arasında təlafat yoxdu. Bu gün yır-yığış işləri aparırıq. Allahın izni ilə bizim camaat yaxşı camaatdı. Belə işlərdə fəal iştirak edirlər. Camaatın birliyi və köməyi ilə nə lazımsa ailəyə eləyəsiyik” deyən Oruc Əhmədov bütün kənd icmasının, xarici ölkələrdə yaşayan həmkəndlilərinin bu işdə fəallıq göstərəcəyinə inamını ifadə etdi. İcra nümayəndəsi sözlərinə onu da əlavə edir ki, insanlara daima əmlaklarını sığorta etmələri barədə tövsiyyə vermələrinə baxmayaraq nədənsə hələ də bu işə ciddi yanaşmırlar.
Oruc Əhmədov bütün kəndin bir araya gəldiyini və yanğın fəsadlarının aradan qaldırılması üçün çalışdığını, tezliklə evin tikintisinə başlanılacağını bildirdi.
Tural Rasimoğlu, Bizim.Media, Şimal-Qərb bürosu
- Ночной Режим
- Домашняя страница
- Статистика
- Источники
- Рейтинг
- Погода
- Валюта
