Basketbol üzrə kişilərdən ibarət milli komandamız Kosovo və İrlandiya yığmaları ilə oyunların hazırlıqlarına başlayıb.
Offsideplus.az xəbər verir ki, millimiz 2027-ci il Qətərdə keçiriləcək Dünya Kubokunun ilkin təsnifat mərhələsində keçirəcəyi son qrup oyunlarının hazırlıqlarına start verib.
Yığmamızın baş məşqçisi Tahir Baxşıyev Bakıda baş tutacaq təlim-məşq toplanışına bu basketbolçuları dəvət edib:
Amil Həmzəyev (Neftçi), Kamran Məmmədov (Neftçi), Endar Poladxanlı (Sabah), Şirzad Şirzadov (Sabah), Elşad Şirzadov (Gəncə), Cəbrayıl Əkbərov (Gəncə), Əkbər Məmmədov (NTD), Ulaş Turqut (Sərhədçi), Saadettin Donat (Sumqayıt), Ercan Donat (Şəki), Səid İsmayılov (Ordu), Məhəmməd Hüseynli (Abşeron), İsmayıl Abdullayev (Abşeron), Nəzər Quliyev (Naxçıvan), Orxan Aydın (İlab Basketbol), Derin Berköz (Türk Telekom), Hüseyn Qaflanov (DME Academy), Donta Hol (Baskonia).
Qeyd edək ki, baş məşqçi Tahir Baxşıyev adları çəkilən basketbolçular arasından Kosovo və İrlandiya oyunları üçün 12 nəfərlik heyət müəyyənləşdirəcək.
