Məşhur model Gigi Hadid keçmiş sevgilisi müğənni Zayn Malikdən olan qızının şəkillərini öz şəxsi İnstaqram hesabında paylaşıb.
Bakupost.az xəbər verir ki, kadrlardan birində Gigi Hadid qızı Khai ilə gəzinti zamanı görüntülənib. Qızın geyimi üzərində albalı təsviri olan ağ dəst, qırmızı tayt və idman ayaqqabısından ibarət olub. Model isə zolaqlı sviter, qara cins şalvar və kovboy çəkmələri geyinib. Digər fotoda isə modelin qızı atlara baxıb. Qız arxası kameraya çevrilmiş vəziyyətdə lentə alınıb. Podium ulduzu fotoların keçən il çəkildiyini, lakin əvvəllər qripdən müalicə olunduğu üçün yalnız indi paylaşa bildiyini deyib.
Qeyd edək ki, Gigi Hadidlə "One Direction" qrupunun keçmiş üzvü Zayn Malikin qızı Khaini 2020-ci ilin sentyabr ayında dünyaya gəlib. Uşaqları dünyaya gəldikdən bir il sonra podium ulduzu ilə sənətçi ayrılıb. Buna səbəb Giginin anası Yolanda Hadidin müğənnini fiziki zorakılıqda ittiham etməsi olub.
Lalə, BakuPost
