Yeni bir araşdırma göstərir ki, məktəblərdə telefon istifadəsinə qadağa qoyulması ilə şagird qiymətlərinin yüksəldilməsi arasında heç bir əlaqə olmaya bilər. Mütəxəssislər araşdırmanı necə şərh ediblər?
News24.az bildirir ki, araşdırma məktəbdə telefonla əlaqəsi məhdudlaşdırılan tələbələrin psixi sağlamlığında heç bir irəliləyiş tapmayıb. Bu tələbələr yuxu rejimlərində, sinif davranışlarında və ya qiymətlərində heç bir dramatik dəyişiklik yaşamayıblar.
Bununla belə, smartfon və sosial şəbəkələrdə uzun müddət qalmağın ümumiyyətlə uşaq və gənclərə mənfi təsir etdiyi bildirilib. Araşdırmanın direktoru Dr. Viktoriya Qudyer məktəblərdə smartfon qadağasının əleyhinə olmadığını vurğulayıb.
İngiltərədə, eləcə də Türkiyədə və dünyanın qalan hissəsində gənclərin smartfonlara və sosial mediaya çıxışı ilə bağlı müzakirələr davam edir.
Zəhraxanım Şeydayeva
