Prezident Emmanuel Makron France 2 televiziyasına müsahibəsində deyib ki, Fransa qarşıdakı illərdə 100 milyard avrodan çox dəyərində süni intellekt layihələrinə sərmayə qoyub.
Finss.az xəbər verir ki, fevralın 10-da Parisdə siyasətçiləri, sənaye nümayəndələrini və alimləri bir araya gətirən iki günlük süni intellekt sammiti başlayacaq.
Makronun sözlərinə görə, yaxın illərdə yerli və xarici şirkətlər tərəfindən ümumilikdə 109 milyard avro investisiya qoyuluşu planlaşdırılır. Makron müsahibəsində digər iki Fransız şirkəti olan Orange SA və Thales SA tərəfindən planlaşdırılan investisiyaları da xatırladıb.
Fevralın 9-da Brookfield Asset Management investisiya şirkəti Fransada növbəti beş il ərzində məlumat mərkəzlərinin tikintisinə və süni intellekt infrastrukturunun inkişafına 20 milyard avro sərmayə qoymaq niyyətini açıqlayıb. Bundan əvvəl o da məlum olub ki, Emirates suveren fondu Fransada məlumat mərkəzlərinin inkişafına 30-50 milyard avro sərmayə qoymağı planlaşdırır.
