Şahmat üzrə Azərbaycan çempionatında yarımfinal mərhələsinin ilk oyunları keçirilib.
OXU24.COM xəbər verir ki, Azərbaycanın ən reytinqli qrossmeysteri Şəhriyar Məmmədyarov qara fiqurlarla Misrətdin İskəndərovu məğlub edib. Ağ fiqurlarla mübarizə aparan Teymur Rəcəbov isə Rauf Məmmədovla xalları yarıya bölüb.
Qadınlar arasında Gülnar Məmmədova günün yeganə qalibi olub.
Azərbaycan çempionatı
Yarımfinal mərhələsi
Kişilər
Şəhriyar Məmmədyarov – Misrətdin İskəndərov 1:0
Rauf Məmmədov – Teymur Rəcəbov 0,5:0,5
Qadınlar
Gülnar Məmmədova – Günay Məmmədzadə 1:0
Gövhər Beydullayeva – Ülviyyə Fətəliyeva 0,5:0,5
Qeyd edək ki, kişilərin yarışında mükafat fondu 60 min, qadınlarda isə 30 min manat təşkil edir.
