Heç bir texnogen fəlakət nüvə bombasından daha çox dağıntıya səbəb ola bilməz. Xüsusi bomba sığınacaqlarının nüvə partlayışından qoruya biləcəyinə inanılır. Həqiqət budur ki, bu strukturların insanları güclü istidən və nüvə partlayışından qorumaq qabiliyyəti dəyişir.
"Unikal" "Live Science" nəşrinə istinadən xəbər verir ki, əgər nüvə hücumu baş verərsə, bomba sığınacaqları insanları qoruya bilərmi?
ABŞ-nin Kolumbiya Universitetindən Norman Kleimanın fikrincə, bomba sığınacağı nüvə partlayışı zamanı təhlükəsizliyə mütləq zəmanət vermir.
Onun sözlərinə görə, sığınacaq nüvə partlayışının baş verdiyi yerdən 1000 km aralıda yerləşirsə, o zaman xilas edə bilər. Ancaq sığınacaq 160 km radiusdadırsa, o zaman çox güman ki, sizi güclü istilik və şok dalğalarından xilas etməyəcək.
Nüvə partlayışı nəticəsində dalğaların və hissəciklərin emissiyası olan radiasiyanı unutmaq olmaz. Kleiman deyir ki, divarları beton, polad və qurğuşundan ən azı 1,5 metr qalınlığında olan bunker radiasiyadan qoruya bilər. Və sığınacaq zədələnməsə, hələ də aşağı dozada radiasiya almaq riski var.
Kolumbiya Universitetindən Peter Karakappa sığınacağın qoruyucu qabiliyyətini bir neçə komponentə bölür:
- nüvə partlayışına və radiasiya nüfuzuna tab gətirə bilən struktur kimi effektiv olmalıdır;
- sığınacaq radioaktiv tullantılara və ya nüvə partlayışı zamanı buraxılacaq materiala nə qədər yaxşı tab gətirə bilər.
Alimlər deyirlər ki, ölümcül radiasiya nüvə partlayışından sonra günlərlə davam edir, ona görə də ondan sağ çıxmaq üçün radioaktiv tullantıların qarşısını almaq üçün ən azı bir həftə bunkerdə qalmaq lazımdır.
Xərçəngə səbəb ola biləcək, bir neçə il və ya onilliklər ərzində görünməyən radiasiyanın aşağı dozasını almayacağınıza zəmanət yoxdur.
Gülayə Mecid
