İsrailin müdafiə naziri İsrael Katz HƏMAS-ı Qəzza razılaşmasını pozmaqda ittiham edib.
Onun bəyanatını "Ynet" portalı yayımlayıb.
Nazir hərəkatın girovların azad edilməsi prosesinin dayandırılması barədə bəyanatını razılaşmanın pozulması kimi qiymətləndirib.
"HƏMAS-ın bəyanatı atəşkəs razılaşmasının tam pozulmasıdır. Mən İsrail Ordusuna Qəzzada mümkün olan istənilən ssenariyə hazır olmağı və yüksək hazırlıq vəziyyətinə keçməyi tapşırdım", - Katz bildirib.
Bundan əvvəl Fələstinin HƏMAS hərəkatı fevralın 15-nə planlaşdırılan daha bir girov qrupunun azad edilməsini təxirə salmaq qərarına gəlib.
Qeyd edilib ki, bu qərar İsrail tərəfindən atəşkəs razılaşmasının pozulmasına görə verilib.
