SARS-CoV-2 koronavirusunun insanlar və heyvanlar arasında yayılması özü ilə yeni təhlükəli virusların yaranması təhlükəsini də gətirir.
Editor.az xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir. “COVID-19-dan qlobal ictimai sağlamlıq riski yüksək olaraq qalır”, – hesabatda deyilir. ÜST qeyd edib ki, SARS-CoV-2-yə qarşı sürü toxunulmazlığı hazırda əhəmiyyətli dərəcədə artıb.
Təşkilatın bəyanatına görə, bunu müsbət sınaq nəticələrinin faizi və çirkab sularından nümunə götürmə faizi sübut edir. SARS-CoV-2 epidemiyası 2019-cu ilin dekabrında Çinin Uhan şəhərində baş verən epidemiya ilə başlayıb. Ümumdünya Səhiyyə Təşkilatı 2020-ci il yanvarın 30-da epidemiyanın beynəlxalq narahatlıq doğuran ictimai səhiyyə fövqəladə vəziyyəti, martın 11-də isə pandemiya elan edib. 2025-ci ilin yanvar ayına olan məlumata görə, dünyada 777 milyondan çox hadisə qeydə alınıb.
//Gülnarə Abasova, Editor.az
