Avropa Komissiyasının sədri Ursula fon der Leyen ABŞ-dan Avropadan polad və alüminium ixracına tətbiq edilən rüsumlara sərt cavab veriləcəyini vəd edib.
“İki sahil” xəbər verir ki, bu barədə TASS məlumat yayıb.
“Mən ABŞ-ın Avropadan polad və alüminium ixracına tariflər tətbiq etmək qərarından dərin təəssüflənirəm. Aİ-yə qarşı əsassız tariflər cavabsız qalmayacaq - onlar sərt və mütənasib əks tədbirlərə səbəb olacaq", - deyə, o, qeyd edib.
Bundan əvvəl ABŞ prezidenti Donald Tramp ABŞ-a bütün polad və alüminium tədarükünə 25% rüsum tətbiq edib.
Eyni zamanda Fransa prezidenti Emmanuel Makron bildirib ki, Tramp Aİ-ni tariflərlə hədələməkdənsə, prioritet problemləri həll etməlidir.
