İlon Maskın xalis sərvəti 2025-ci ildə təsis etdiyi Tesla-nın səhmlərinin qiymətində əhəmiyyətli azalma fonunda ilk dəfə 400 milyard dollardan aşağı düşüb. Manset.az xəbər verir ki, bu barədə Bloomberg agentliyi məlumat yayıb . Məlumata görə, avtomobil istehsalçısının səhmlərinin dəyəri dekabrın ortalarında tarixi maksimuma çatdıqdan sonra 27% ucuzlaşıb. Xüsusilə, Almaniyaya avtomobil tədarükü 59% azalaraq 2021-ci ildən bəri antirekordu qırıb. Çində satışlar isə ötən illə müqayisədə 11,5% azalıb. Fevralın 10-da Tesla-nın səhmlərinin qiyməti 3% dəyər itirərək 350,73 dollara düşüb. Bu fonda agentlik qeyd edir ki, dekabr ayında Tesla səhmləri və opsionları Maskın sərvətinin 60%-dən çoxunu təşkil edib. Bloomberg bildirir ki, Maskın Amerikanın yeni lideri ilə yaxınlığına baxmayaraq, investorların ABŞ administrasiyasının vergi siyasətini dəyişdirərək və özünü idarə edən texnologiya standartlarını sadələşdirməklə Teslaya dəstək verəcəyinə dair ümidləri hələ də özünü doğrultmayıb.
