Olaylar.az xəbər verir ki, bu barədə Rusiya Dövlət Dumasının Beynəlxalq Komitəsinin sədri və Rusiya Liberal Demokrat Partiyasının (LDPR) lideri Leonid Slutski TASS agentliyinə bildirib.
"Ukrayna böhranı regionun hüdudlarını aşıb və Qərb mərkəzli dünya nizamının neokolonial mahiyyətini ifşa edib," - deyə Slutski qeyd edib. O böhranın həlli üçün yeni bir "Minsk-3" formatında danışıqların keçirilməsinin mümkünlüyünə şübhə ilə yanaşıb.
Slutskiyə görə, Minsk razılaşmaları artıq tarixə çevrilib və bu prosesdən dərs çıxarmaq vacibdir. O 2015-ci il fevralın 11-nə keçən gecə aparılan uzun danışıqları xatırladaraq bildirib ki, 2022-ci ilə qədər bu razılaşmanın 13 bəndindən heç biri yerinə yetirilməyib.
"Fevralın 24-də baş verənlər Qərbin qlobal hegemoniyasını qorumaq ümidlərini darmadağın etdi," - deyə Slutski vurğulayıb. Onun sözlərinə görə, Qlobal Cənub ölkələri artıq Rusiyanın tərəfindədir və birlikdə onlar dünya əhalisinin əksəriyyətini təşkil edirlər.
