ABŞ Federal Aviasiya Administrasiyası (FAA) Ronald Reyqan Beynəlxalq Hava Limanı yaxınlığında helikopterlərin uçuşlarını qadağan etmək niyyətindədir...
Poliqon xəbər verir ki, bu varədə The Wall Street Journal mənbələrə istinadən yazır.
Amerika hakimiyyəti Vaşinqton səmasında qəzaya uğrayan təyyarədən sonra təhlükəsizlik strategiyasını nəzərdən keçirmək qərarına gəlib.
Qadağa hava limanının təhlükəsizliyini yaxşılaşdırmaq planının bir hissəsi ola bilər. Milli Nəqliyyat Təhlükəsizliyi Şurası qəza ilə bağlı ilkin hesabatını açıqladıqdan sonra helikopter məhdudiyyətlərinə baxılacaq. Nəşrin mənbələrinə görə, bu, yaxın həftələrdə baş verəcək.
Yanvarın 29-da Reyqan hava limanı yaxınlığında Black Hawk hərbi helikopteri American Airlines sərnişin təyyarəsi ilə toqquşub. Qəza nəticəsində 67 nəfər həlak olub. WSJ-nin məlumatına görə, qəzaya həm helikopter pilotunun hərəkəti, həm də hava dispetçerinin tövsiyələri səbəb ola bilərdi.
Qəzadan dərhal sonra Reyqan Hava Limanı helikopter uçuşlarına müvəqqəti məhdudiyyətlər qoyub və təyyarələrin gəliş tezliyi maksimum 32-dən saatda 26-ya endirilib. WSJ-nin məlumatına görə, hazırda hava limanına saatda 28 təyyarə qəbul etməyə icazə verilib.
Poliqon.info
