1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ankaragücü"nün yeni baş məşqçisi Mustafa Dalcı Azərbaycan millisinin futbolçusu Renat Dadaşovla bağlı qərarını verib.
Oxu.Az Türkiyə mətbuatına istinadən xəbər verir ki, mütəxəssis transferə çıxarılan hücumçunun xidmətinə ehtiyac duymayıb.
Dalcı hücum xəttində oyunçu sayının az olduğunu nəzərə alaraq, əsas komandadan kənarlaşdırılanlardan birini kollektivə cəlb edib. O, bosniya və herseqovinalı Riad Bajiçin mövsümün sonuna qədər komandada qalmasını qərara alıb. Ancaq klub Renat Dadaşov, Rikkardo Saponara və Kevin Varqa ilə yolları ayırmaqda israrlıdır.
Türkiyədə "transfer pəncərəsi" artıq bağlandığından, adıçəkilən futbolçular fərdi hazırlaşmaqla kifayətlənməli olacaqlar. Onlarla müqaviləyə xitam verilməsə, mövsümün sonuna qədər heç bir oyunda iştirak etməyəcəklər.
Qeyd edək ki, Renat Dadaşovun "Ankaragücü" ilə müqavilə müddəti 2026-cı ilin yayına qədərdir.
