RU

"Turan" Agentliyi fəaliyyətini dayandırır - Mehman Əliyev səbəbi maliyyə ilə əlaqələndirib

35 il əvvəl yaradılmış "Turan" İnformasiya Agentliyi (İA) fəaliyyətini dayandırır.

Mia.az xəbər verir ki, bu barədə agentliyin saytında müraciət yayılıb.

Agentliyin direktoru Mehman Əliyev bildirib ki, "Turan" İA maliyyə çətinlikləri ilə üzləşib və bu səbəbdən belə qərar qəbul edilib: "Davam etmək üçün zəruri resursları təmin etmək yolunda dayanmadan göstərdiyimiz səylərə baxmayaraq, bizi uzun illər təqib edən maliyyə çətinlikləri nəhayət agentliyin fəaliyyətini mövcud formatda dayandırmaq barədə ağır qərar qəbul etməyə məcbur etdi.

Bu, bizim missiyamızın sonu deyil, əksinə, yeni bir inkişaf mərhələsidir. İnformasiya məkanı sürətlə dəyişir və biz də bu dəyişikliklərə uyğunlaşmağın vacibliyini anlayırıq. Qarşıdakı aylarda biz xəbər yayımı ilə yanaşı, dünyanın, regionun və ölkəmizin proseslərini təhlil edən, əsas problemləri müəyyən edib həll yolları təklif edən yeni bir format üzərində işləyəcəyik”.

Избранный
31
12
mia.az

10Источники