Bakıda badminton üzrə Avropa komanda çempionatı davam edir.
İkinci turda İspaniya yığması ilə qarşılaşan Azərbaycan millisi 2:3 hesabı ilə məğlub olub.
Şəxsi görüşdə Edi Reski Dviçayo rəqibinə qalib gəlib (2:1), ardınca Diki Dvi Pangestu ilə duetdə növbəti qələbəsini qazanıb (2:0). Diki Dvi Pangestu və Keişa Fatimə Zəhradan ibarət qarışıq cütlük görüşdə məğlub olub (0:2). Zəhra şəxsi görüşdə də rəqibinə uduzub (0:2). Son görüşdə isə qadınlardan ibarət Leyla Camalzadə-Xadjar Nuriyeva cütlüyü rəqiblərinə məğlub olub (0:2).
Daha əvvəl millimiz İngiltərəyə (2:3), İspaniya isə Danimarkaya (0:5) uduzub.
Günün digər oyununda isə Danimarka millisi İngiltərəni 4:0 məğlub etməyi bacarıb.
Bu gün baş tutacaq digər oyunlar:
Fransa - Niderland
Çexiya - Almaniya
Qeyd edək ki, millimiz fevralın 14-də Avropa çempionu Danimarka ilə qarşılaşacaq.
Mənbə: oxu.az
