Neftçala rayonunda Səfərbərlik və Hərbi Xidmətə Çağırış üzrə Dövlət Xidmətinin işçilərinin peşə bayramı qeyd olunub.
“Qafqazinfo” xəbər verir ki, peşə bayramı ilə əlaqədar olaraq, Neftçala şəhərinin mərkəzində ucaldılan Ulu Öndər Heydər Əliyevin heykəli ziyarət edilib.
Tədbirdə Neftçala Rayon İcra Hakimiyyətinin başçısı Mirhəsən Seyidov, Səfərbərlik və Hərbi Xidmətə Çağırış üzrə Dövlət Xidmətinin Neftçala Rayon Şöbəsinin rəhbərliyi, RİH-in məsul şəxsləri, hüquq-mühafizə orqanlarının rəhbərləri və Səfərbərlik və Hərbi Xidmətə Çağırış üzrə Dövlət Xidmətinin Neftçala Rayon Şöbəsinin əməkdaşları iştirak ediblər.
