.jpg)
ABŞ Prezidenti hökuməti əsaslı şəkildə yenidən qurmağa və ixtisar etməyə çalışdığı bir vaxtda, çərşənbə günü federal hakim, prezident Donald Tramp administrasiyasına federal işçilər üçün “təxirə salınmış pensiya proqramı”nı həyata keçirməyə icazə verib.
Bu qərar Respublikaçı prezidentin administrasiyasının proqramı tez bir zamanda yekunlaşdırmağa çalışmasına imkan yarada bilər, baxmayaraq ki, həmkarlar ittifaqları proqramı dayandırmaq üçün başqa bir məhkəməyə müraciət edə bilər.
ABŞ-ın Bostandakı Dairə hakimi Corc O’Tul daha öncə 800 mindən çox federal işçini təmsil edən həmkarlar ittifaqlarının tələbi ilə proqramın dayandırılmasına dair verdiyi qərarı ləğv edib.
O’Tul belə qərara gəlib ki, həmkarlar ittifaqları qərara etiraz etmək üçün hüquqi mövqeyə malik deyildilər.
Amerika Dövlət İşçiləri Federasiyası və başqa həmkarlar ittifaqları administrasiyanın 2 milyondan çox mülki federal işçiyə təxirə salınmış istefa təklifini qanunsuz adlandırıb.
Proqramı yanvarın 28-də “Yolda çəngəl” (Fork in the Road) başlıqlı elekton məktubla elan edən Kardların İdarəolunma İdarəsi (OPM) bazar ertəsi işçilərə proqramı, qanuni olaraq icazə verilən anda, yeni işə qəbul edənlər üçün bağlamaq niyyətində olduğunu deyib.
Tramp administrasiyası federal iş yerlərinin genişmiqyaslı ixtisar planlarını sürətləndirməsi fonunda, Ağ Ev rəsmisinin məlumatına əsasən, cümə gününə olan məlumata görə, 65 min federal işçi bu təklifi qəbul edib.
Ağ Ev şərh istəyinə dərhal cavab verməyib.
Amerika Dövlət İşçiləri Federasiyasının (AFGE) ölkə üzrə prezidenti Everett Kelli bu qərarı uğursuzluq adlandırıb.
“Əhəmiyyətlisi odur ki, bu qərarda proqramın qanunauyğunluğuna toxunulmayıb,” o, bəyanatında deyib.
İddia qaldıran həmkarlar ittifaqları yanvar ayında elan edilən planın qanunsuz olduğunu və OPM-nin proqramı həyata keçirmək səlahiyyətinin olmadığını iddia ediblər.
Yanvarın 20-də ikinci müddətə prezidentlik vəzifəsinə başlayan Tramp İlon Maskı federal xərcləri azaltmaq və potensial olaraq minlərlə işçini işdən çıxarmaqla ABŞ-ın 2,2 milyonluq federal işçi qüvvəsini yenidən formalaşdırmaq məqsədi ilə Hökumətin Səmərəliliyi Departamenti adlı geniş səylərə nəzarət etmək üçün “xüsusi hökumət işçisi” təyin edib.
O həmçinin çərşənbə axşamı Maskın təsirini genişləndirmək və federal işçi qüvvəsini ixtisara salmağa davam etmək üçün sərəncam imzalayıb.
Demokratlar və başqa tənqidçilər elektrik avtomobil istehsalçısı Tesla və raket şirkəti SpaceX-ə rəhbərlik edən Maskı federal hökuməti qeyri-qanuni şəkildə ələ keçirməkdə ittiham edirlər. Bəzi federal işçilər Maskın hərəkətlərinə qarşı etiraz aksiyaları keçiriblər.
Visiontv.az
