"Qalatasaray"ın ulduzu Premyer Liqa nəhənginin "radarı"na düşüb. Manset.az xəbər verir ki, "Mançester Yunayted" Viktor Osimheni transfer etməyə çalışır. Bu barədə "TBR Football" məlumat yayıb. "Qırmızı şeytanlar" "Napoli"yə Alexandro Qarnaço və Rasmus Hoylundu verməklə əvəzində nigeriyalı oyunçunu almaq istəyir. Mançester klubu ilə yanaşı İngiltərədən "Arsenal", "Nyukasl" və "Aston Villa"nın da 26 yaşlı hücumçunun xidmətində maraqlı olduğu qeyd edilib. Xatırladaq ki, 2024/25 mövsümündə "sarı-qırmızı" forma ilə 23 oyuna çıxan Osimhen 17 qola, 5 məhsuldar ötürməyə imza atıb. "Cim-Bom" sözügedən futbolçunu "Napoli"dən mövsümün sonuna qədər icarəyə götürüb.
