AMEA-nın Ədəbiyyat İnstitutunun baş elmi işçisi, filologiya elmləri doktoru, dosent Pərvanə Bəkir qızı İsayeva dünyasını dəyişib.
"Bakuinfo" xəbər verir ki, bu barədə professor Cavanşir Yusifli məlumat verib.
Qeyd edək ki, Pərvanə Bəkir qızı İsayeva 1969-cu ildə Bərdə rayonunda anadan olub. Bir müddət Bakı Slavyan Universitetində çalışan alim Ədəbiyyat İnstitutunun Ədəbiyyat nəzəriyyəsi şöbəsində fəaliyyət göstərirdi. O, həmçinin Ali Attestasiya Komitəsinin Ekspert şurasının üzvü idi.
Azərbaycan Dövlət Mədəniyyət və İncəsənət İnstitutunu bitirən alim ədəbiyyat nəzəriyyəsi, ədəbi təhlil və tənqid sahəsində dərin biliklərə malik idi.
O, filologiya üzrə elmlər doktoru dərəcəsini alıb və namizədlik dissertasiyasını "Azərbaycan ədəbiyyatşünaslığında faciə janrının tədqiqi problemləri" mövzusunda müdafiə edib. Doktorluq dissertasiyası isə "XX əsr Azərbaycan ədəbiyyatının bədii strukturu və mifopoetik təfəkkür (nəsr və dramaturgiya əsasında)" mövzusuna həsr olunub.
Pərvanə İsayeva Azərbaycan ədəbiyyatı və ədəbiyyat nəzəriyyəsi sahəsində tanınmış alimlərdən biri idi. Onun çapdan çıxmış elmi əsərlərinin ümumi sayı 80-ə çatır ki, bunlardan 5-i xaricdə nəşr edilib və beynəlxalq bazalarda referatlaşdırılan jurnallarda indekslənib.
Əsas elmi əsərləri arasında aşağıdakı monoqrafiyalar yer alır:
"Mifopoetika və filoloji fikirdə mif konsepsiyaları" (Bakı, Elm və Təhsil, 2016)"Mifopoetika və XX əsr Azərbaycan ədəbiyyatının poetik strukturu" (Bakı, Elm və Təhsil, 2016)"Faciə janrının poetikası və tədqiqi problemləri" (Bakı, Elm və Təhsil, 2017)Pedaqoji və Digər FəaliyyətləriPərvanə İsayeva 2005-2008-ci illərdə Bakı Slavyan Universitetində pedaqoji fəaliyyət göstərib. O, həmçinin respublika və beynəlxalq elmi qurumların üzvü olub.
Pərvanə İsayeva AMEA Nizami adına Ədəbiyyat İnstitutunda baş elmi işçi vəzifəsində çalışırdı.
Azərbaycan ədəbiyyatşünaslığına böyük töhfələr vermiş Pərvanə İsayevanın vəfatı elmi ictimaiyyət üçün böyük itkidir.
Allah rəhmət eləsin!
