FT: “Aİ sammitində qarşıdurma yaşanıb”

AzVision.az xəbər verir ki, “Financial Times” nəşri belə məlumat yayıb.

“Ukraynaya qoşun yeritməsi ilə bağlı fövqəladə iclasda Avropa ölkələrinin liderləri arasında ixtilaf yaranıb. Halbuki, sammitin məqsədi ABŞ prezidenti Donald Trampın Rusiya ilə sülh danışıqlarına reaksiya barədə ortaq mövqe əldə etmək idi",- qəzetdə dərc olunan materialda deyilir.

Materialda bildirilir ki, Almaniya, İtaliya, Polşa və İspaniya Ukraynaya öz silahlı qüvvələrinin göndərilməsinə qarşı çıxıblar.

Amma bundan bir gün əvvəl Böyük Britaniyanın baş naziri Kir StarmerUkraynanın təhlükəsizliyinin təminatı üçün, lazım gələrsə, Londonun ora qoşun yeritməyə hazır olduğunu bildirmişdi.

Sahil İsgəndərov
AzVision.az