"Zəngəzurda problemin olmaması İranın mövqeyi ilə bağlıdır" - Köçəryan

"Zəngəzurda bu günə qədər heç bir ciddi problem yaşamamağımız Ä°ranın mövqeyi ilə bağlıdır".

Adalet.az xəbər verir ki, bu fikirləri ötən gün mətbuat konfransında Xocalı qatili, Ermənistanın keçmiş prezidenti Robert Köçəryan deyib. O bildirib ki, əgər Ä°ranın Zəngəzurla bağlı birmənalı mövqeyi olmasaydı, Əliyevi heç bir maneə saxlaya bilməzdi və Ermənistan hakimiyyəti də “biz o dağlar uğrunda vuruşmayacağıq” deyərdi. Azərbaycan prezidenti hazırda 300 min azərbaycanlıdan danışır, amma bizim hakimiyyət susur, heç nə demir. Hətta sətiraltı deyir ki, Zəngəzur ümumiyyətlə onlarındır.
Ermənistan hakimiyyətindən bununla bağlı hər hansı bir ətraflı cavab eşitmisinizmi? Mən əvvəldən bir şey dedim ki, əgər o statusu qəbul etmisənsə, o statusdan nəticələr də yaranır və nəticəsi belə olur: “Mən sənə nə desəm, etməlisən”.

Xatırladaq ki, Rəsmi Tehran “Zəngəzur dəhlizi”ni özünün “qırmızı xətti” olduğunu deyib. Ä°ranın xarici işlər naziri Abbas Araqçı deyib ki, qonşu dövlətlərin sərhədlərində hər hansı dəyişiklik onun ölkəsi üçün qırmızı xətt deməkdir və bu, “tamamilə qəbuledilməzdir”. Politoloqların fikrincə, Ä°ran Zəngəzur dəhlizinin reallaşmasına hər vəchlə mane olmağa çalışır. Hətta Rusiyadan da bu məsələni dəstəklədiyi üçün narazıdır.

Qeyd edək ki, Köçəryan əvvəlki, açıqlamalarında deyirdi ki, Rusiyanın Ermənistandakı hərbi mövcudluğu Azərbaycanı Ermənistan ərazisindən keçməklə Naxçıvana dəhliz açmaq cəhdindən çəkindirir.

Əntiqə Rəşid