Türk seriallarının gözəl aktrisaları məharətli ifası, gözəl və füsunkar görünüşü ilə tamaşaçıları heyran edir. Fasiləsiz iş qrafiki, stress və ailə problemləri ilə məşğul olsalar da, həmişə özlərini yaxşı formada saxlamağı bilirlər.
Hafta.az bugünkü yazıda türk kino ulduzlarının arıqlama və sağlam həyat tərzi ilə bağlı qaydalarını oxucuların diqqətinə çatdıracaq:
Handə Erçel
“Ürəyimin qapısını döy” serialının ulduzu Handə Erçelin əsas qaydalarından biri ciddi qrafikə riayət etməkdir. Aktrisanın iş saatları həmişə fərqli olsa da, o, kifayət qədər yatmağa və dincəlməyə vaxt tapmağa çalışır.
Handə səhərə darçınlı su ilə başlayır, belə bir içki təravətləndirir. Anasının ölümündən sonra o, çox stress keçirdi: çox az yediyi və çox məşq etdiyi üçün kəskin arıqlayıb.
Aktrisa gündə 6 dəfə az-az qidalanmaq, qəlyanaltı üçün alma yemək, şirniyyatlardan, yağlı və unlu məhsullardan uzaq durmaq, alma sirkəsi və ya limonlu su içmək kimi vərdişlərə əməl etməyə başlayıb. Amma getdikcə daha çox idmanla məşğul olan Handə anoreksiyaya xas olan arıqlayıb. Hazırda pərəstişkarları aktrisanı bu işdən çəkindirir, əks halda Erçelin çəkiliş üçün gücü olmaya bilər.
Fahriyə Evcen
Burak Özçivitin həyat yoldaşı Fahriyə Evcen ilk övladını dünyaya gətirdikdən sonra kökəlmişdi. Bulqur yarması aktrisaya əvvəlki fiqurunu qaytarmağa kömək edib. Xüsusi işlənmiş buğdanın glisemik indeksi aşağı olduğu üçün ən faydalı dənli bitkilərdən biri hesab olunur. Bu, qan şəkəri səviyyəsinin kəskin şəkildə yüksəlməsinin və yağ yığılmasının qarşısını alır. Fahriyə pəhrizini bu taxıl məhsulu əsasında qurub.
Bəzən aktrisa bulqur əvəzinə yulaf ezmesi yeyirdi, ona yağsız ət, qatıq, tərəvəz və meyvələr əlavə edə bilərsiniz.
Elçin Afacan
“Kalbimin qapısını döy” serialının ulduzu Elçin Afacan “Bir ailənin hekayəsi” serialındakı roluna görə kökəlməli olub, amma layihə bitdikdən sonra aktrisanın əvvəlki bədən formasını bərpa etməsi bir neçə il çəkdi. O, pəhrizindən şəkər, karbohidrat və qlüten məhsulları tamamilə çıxarıb. Elçin hər gün 10 min addım getməyi qaydaya çevirib.
Aktrisanın sözlərinə görə, artıq çəkidən qurtulma prosesində mütəxəssis nəzarəti vacibdir.Həmçinin, hər bir insanın maddələr mübadiləsi və orqanizmi fərqli olduğundan, o hesab edir ki, dietoloqların və məşqçilərin tövsiyələrinə əməl etmək lazımdır.
Pelin Karahan
"Möhtəşəm yüz il" serialında Sultan Süleymanın tək qızı Mehrimoh obrazını canlandıran aktrisa Pelin Karahan övladı olandan sonra qısa müddətdə kökəlib. O, əvvəlcə artıq çəkisindən utanmadığını desə də, sonradan öz üzərində işləmək və bədən formasını bərpa etmək qərarına gəlib. Aktrisa pəhrizindən yağlı, şirin və un məhsulları çıxarıb, daha çox proteinlə zəngin məhsullar, meyvə-tərəvəz yeyib. Həmçinin, o, həmişə gündəlik su içmək rejiminə əməl edir və aktiv fiziki fəaliyyətlə məşğul olur.
Əslində Pelin ciddi və mürəkkəb pəhrizləri sevmir. O, diqqətini kalori çatışmazlığına yönəldib və köhnə çəkisini bərpa etmək üçün məşq edib. Nəticədə aktrisa 35 kiloqram arıqlayıb.
Məryəm Üzərli
Zərif aktrisa “Möhtəşəm yüz il” serialındakı Xürrəm obrazına görə 13 kiloqram kökəlmişdi və üstəlik, hamiləlikdən sonra daha da kökəlmişdi. Na görə də arıqlamaq üçün öz şəxsi pəhrizini hazırlayıb: Üzərli daha çox təbii yetişdirilmiş məhsullar, qaynadılmış mal əti, mərcimək, qarabaşaq yarması və bulqur kimi məhsullar yeyib.
O, pəhrizindən şəkər, müxtəlif xəmir məmulatları, düyü, qızardılmış qidaları xaric edib. Süd məhsullarını da normada istehlak edirdi. Üzərli aralıq oruc tutma (16/8) üsulundan istifadə edib: 16 saat oruc tutub, 8 saat ərzində cəmi 2 dəfə yemək yeyib. Ancaq həkim tövsiyəsi olmadan belə bir rejimə başlamaq olmaz.
Hülya Avşar
Türk kinosunun əfsanələrindən olan Hülya Avşar ləzzətli yeməkləri sevsə də, bədən formasını da diqqətdən kənarda qoymur. Aktrisa iki dəfə yemək yeməyə üstünlük verir: səhər yeməyində bir tikə çörək, meyvə, kəsmik və tonik içkilər, naharda isə şorba, qaynadılmış ət və tərəvəz yeyir. Aktrisa saat 19:00-dan sonra heç nə yemir. Bundan əlavə, Hülya boş vaxtını idmana həsr edir: tennis oynayır, velosiped sürür, üzgüçülüklə məşğuldur və ya idman zalında məşq edir.
Cansu Dərə
Bir sıra seriallarının ulduzu Cansu Dərə sərt pəhrizləri və aralıq orucu dəstəkləmir, çünki aktrisanın pəhrizi pozma ehtimalı yüksəkdir. O, incə bədən quruluşunu genləri və sağlam qidalanma vərdişləri ilə əlaqələndirir. Onun şüarı “Sən nə yeyirsənsə, osan”.
Fast food, qızardılmış yeməklər, qeyri-sağlam qəlyanaltılar, çipslər, qazlı içkilər, kofe və şirniyyatlar illər əvvəl aktrisanın pəhrizindən çıxarılıb. Cansu toyuq, balıq, çiy və buxarda bişmiş tərəvəzlərə, tam taxıllara və az yağlı süd məhsullarına üstünlük verir. Səhər yeməyindən əvvəl bir qaşıq bitki yağı içir. Aktrisa həm də aktiv həyat tərzi sürür.
